AL GATÓŽLI(1)     

     E pê’ chi n’épa (2)

     stimê al gatóžli,(3)

     pò dês(4)ch’il sépa(5)

     fašèndli a góžli.(6)

     Mó un š-ciân(7)

     o un purchisìa

     fašèndli a mân

     cun dla fantaşia

     e cminzèt a fêli

     cun che critēri

     a cal pör burdëli(8)

     pròpi int e’ šēri,

     rugènd se sôrdi

     e cminžènd d’džôn,(9)

     şlumbènd(10)al cördi

     ’d che pör lirôn.(11)

     A di la vēra

     s t’cì vagabond

     de cânt dla sēra(12)

     t’at god un mónd.

                E.’d Bartòž

  (1) AL GATÓZLI = il solletico

  (2) n’épa = non abbiano

  (3) stimê al gatózli= sofferto il solletico

  (4) pò dês = sembra

  (5) ch’ il sépa = che lo sappiano

  (6) fašèndli a góžli = facendole a goccie

  (7) un s-ciân = un essere

  (8) burdëli = ragazze

  (9) d’dzôn = a digiuno

(10) şlumbènd = fiaccando

(11) lirôn = contrabbasso

(12) de cânt dla sēra = verso sera