AL ŞMARÈJ(1)
Cvânt’şmarèj us n in fà
da cvând ch’u s’è žùvan (2)
fintânt ch’t cì andê in là
cun l’etê e cun i malân,
par furtôna, la rumâna
sèmpar prônta’d ajutêt(3)
magari sé la t şmana(4)
specialmént sôra e’lët.
A gl’è pini’d maravèja(5)
st’a i şlong ’na mân,
par nô cióš(6)a la cavèja
e dêj(7) un tóc ad pân;(8)
speš al s n’imprufèta
dašènd tót i sacramént,
mó cažèndat in bulèta
al t chêva i caşamént.
L’è pròpi’n umigliažiôn
avé’ bşógn int l’avciàja(9)
e un s’augura a nišôn
a d’incuntrê ’na žavàja;(10)
u i sarèb ’na solužiôn
cavés de caž cun e’sachèt
par dê möd a d’imbrujôn
à impìni(11)’d pió e’maghèt.(12)
E.’d Bartòž