A SÌ VÓ ”BABINI”

Ùi!(1)dbì sò dönca!(2)ach fata ròba

vdèndal(3)e’pê (4)ôn che schērza,

mó int al bóci un gn’è la şbòba(5)

e un tardarà a maşrê (6)dla vērza.

In tót’ al fój(7)e véd e’ nêtar

maşrênd(8)nénc e’Pêdretēran(9)

e pruvèt nénc cvêlcadôn êtar,

mô l’é fnì drèt a l’infēran;

l’è ’n piasê vdél(10)dri’l su bóci

cun e’su giàz, un vêş(11)d’ērbèta

e pasiôn, vuitènd da bē ai sòci

méntar ch’u i arlùşa(12)la barbèta.

T’al cnós(13)”Babini”, ste sugët ?

…….ch’la sèmpar cvël ’d növ ?(14)

parchè e’su nêtar ut stènd(15)a lët,

e t’a in dbirès(16) sóbit d’arnöv.

                             E. ’d Bartòž

 (0)  A SÌ VÓ ”BABINI”

      E’ Lei ” Babini”

  (1)  Ùi! = ehi!

  (2)   dbì sò dönca= bevete su dunque

  (3)   vdèndal = vedendolo

  (4)   e’pê = sembra

  (5)   şbòba = minestra stracotta

  (6)   a maşrê’ = a macerare

  (7)   al fój = le foglie

  (8)   maşrênd = macerando

  (9)   e’Pêdretēran = il Padreterno

(10)  vdél = vederlo

(11)  un vêş = un vaso

(12)  arlùşa = luccica

(13) T’al cnós = lo conosci

(14)  cvël ’d növ = qualcosa di nuovo

(15)  ut stènd = ti distende

(16) dbirès = berresti