E’ CUNFRÔNT…

Basta guardej

e avdej ’d prufil

sti du žabadej

un graš e un stil;

l’é un cvël da gnit

truvês nénc in du,

chi tròp e chi gnit(1)

l’é pöc e pu e pu.

Béi, tót du inšén

in pi sôra e’rivêl,(2)

st’a i pens bén

ut š-ciopa e’žarvël,(3)

a drèta e’panžôn(4)

a stânca un cibin(5)

s’l’a dbu di buciôn(6)

e chēga l’uvin;(7)

l’è bël ste stampôn(8)

d’avşén faşènd gnit,(9)

mustrend e’panžôn

chi tròp e chi gnit.

            E.’d Bartòž

(0) E’ CUNFRÔNT…

      Il confronto

(1) chi tròp e chi gnit. = chi troppo e chi niente

(2)  in pi sôra e’rivêl =   in piedi sopra l’argine

(3) ut š-ciopa e’žarvël=  ti  scoppia il cervello

(4) a drèta = a destra

(5) a stânca = a sinistra

(6) s’l’a dbu di buciôn = se ha bevuto dei bottiglioni

(7) e chēga l’uvin =  farà bacche di edera

(8) ste stampôn  = questa foto

(9) d’avşén faşènd gnit = vicini senza far nulla