E’  LUCHÊ(1)

Cvând ch’à sèmia burdèl(2)

andèmia speš int i luchēl(3)

a şmuruşê(4)cun dal burdèli(5)

ad prèm pēl(6)e tèti bëli,

t’a i dašìtia dal şmanzlêdi(7)

ch’al vanžéva cvēşi stlêdi,(8)

e s’t dgìtia cvël d’intravērš(9)

al t cažéva un şmanarvērš.

Tè che t’cìtia un pò şluchê(10)

t’à i dmandìtia e’ parchê;

par cal pöchi dó palpêdi(11)

at butrèb žó dal palêdi,(12)

t’at sintìtia acšè inšchê(13)

da la tarmarëla e tót luchê,

par che tôn’d vôşa ragajêda(14)

cla trapaša nénc la canžlêda.(15)

T’an putìtia gnänc scuşèt(16)

ch’al t cažéva int un muršèt (17)

e se t’ purtìtia al tu raşôn(18)

at rumpéva nénc i marôn.(19)

                       E.’d Bartòž

  (1) E’ LUCHÊ = Il rauco

  (2) burdèl = ragazzi

  (3) luchēl = locali

  (4) şmuruşê= amoreggiare

  (5)  burdèli = ragazze

  (6)  prèm pēl = primo pelo

  (7) smanzlêdi   = maneggiate

  (8) stlêdi = ridotte a stelo

  (9) d’intravērš = di contrario

(10) şluchê = slogato

(11) palpêdi = palpate

(12) palêdi = palizzate del porto

(13) inšchê = conficcato

(14) ragajêda = arrochita

(15) canžlêda = cancellata

(16) gnänc scuşèt = neanche scusarti

(17) muršèt = piccola morsa

(18) tu raşôn = tue ragioni

(19) i marôn = i coglioni