E’ LUCÒMUD

Témp indrì(1)e’lucòmud(2)

l’éra ža bastânt scòmud

cun la nēva e galaverna(3)

e gnânc un pò ’d şverna.(4)

Cun i frèd e cun chi giàž

u s’ingiažèva nénc i straž,

ciapènd ch’la bòta d’êria(5)

pròpi cun e’ nêş a pr’êria,(6)

stašènd sôra a che cëš

duvìtia tapêt nénc e’nêş

par i stmëgh(7)’d mardôn

che caghèt e’ pör garzôn;

cun la chêrta acšè dura

t’at dedichìtia a la letura,

in che mentar di giažul(8)

i t’imbrinéva(9) tót e’cul.

D’istêda(10)l’éra un turmént

s’un tiréva un pò ’d vént

e cun che chêld acšè asfisiént

pirdìtia nénc tót i sintimént.

                        E.’d Bartòž

(1)    indrì = addietro

(2)   lucomud = gabinetto

(3)   galaverna = gelicido

(4)   şverna = vitto

(5)    bòta d’êria = colpo d’aria

(6)   a pr’êria = in aria

(7)   stmëgh = cosa stomachevole

(8)   di giažul  = dei ghiaccioli

(9)   i t’imbrinéva = coprivano di brina

(10) D’istêda = d’estate