E’ VIÊL

DLA RIMEMBRÉNZA(1)

Tót i dè par nò stê sénža

a žughèmia dòp la scöla

int e’viêl dla rimembrénža,

sénža gnânc pašê  paröla,

’d drida chi pén(2)sēculéri

gveregènd fr’d’nô burdèl(3)

fašènd speš i tēmeréri.

Ròbi da fê indrižê i cavèl.

Al šiundêdi(4)al fiuchéva,

davânti e da tót i chént(5)

e intónd, i šaš(6)i fiš-céva

sfrumblènd(7)a l’è da cânt,(8)

a völti, parèci baragnòcli(9)

e šóbit dòp un pö’nervôs,

tòžli(10)gròši cóma’l còcli(11)

lašènd t parècc dè(12)bruglôş.(13)

L’éra la vita e e’nos’ turmént,

però, nò andèj u n’éra bël

e pinsèndi adëš in ste mumént

st’an gn’andìtia l’éra un mažël.(14)

                         E. ’d Bartòž

                   E’ VIÊL

        DLA RIMEMBRÉNZA

  (1) Il viale della Rimembranza

  (2) chi pén = quei pini 

  (3) d’nô burdèl = di noi bambini

  (4) Al šiundêdi = le frombolate

  (5) da tót i chént = da tutte le parti

  (6) i šaš = i sassi

  (7) sfrumblènd = frombolando

  (8) da cânt = di fianco

  (9) baragnòcli = bernoccoli

(10) tòžli = gonfiori

(11) còcli = noci

(12) parècc dè = parecchi giorni

(13) bruglôş = pieno di croste

(14) un mažël = un macello