E’ ŽAMPIGA(1)

I l’avéva i Ramgnén(2)  

šte fër, da e’ Sëtžént,(3)

un tirabrēš(4) pre camén

druvèndal ža in tént.

I i dašéva šo int è fug

š’u j’èra de žarbacēr, (5)

druvèndal nénc a Lug

brusènd cvèl de pudēr.(6)

Mè a j avéva un amig

che butèndal int e’fug

u l’avdéva nénc un žig

strabighènd(7)e’bàtifug.(8)

Us ciaméva Žampiga,

e cvând ch’à lavurêmia

u i š-ciaféva tót in riga,

mej ch’à n’in scurêmia.(9)

l’éra brilânt e nò intrig(10)

e pašiunê l’éra dla pgnata,(11)

mó a n l’ò mai vèst imbarig(12)

žughènd speš cun la mata.(13)

                       E.’d Bartòž

(1)   E’ ŽAMPIGA  = L’attizzatore  

(2)   i Ramgnén  = Quelli di Ravenna

(3)   da e’ Sëtžént =  dal settecento

(4)   un tirabrēš  = un tirabrace

(5)   de žarbacēr = della sterpaglia

(6)   de pudēr = del podere

(7)   strabighènd = trascinando

(8)   e’bàtifug  = lo spegni fuoco

(9)   n’in scurêmia = non parlarne

(10) nò intrig  = non impacciato

(11) dla pgnata = della pentola

(12) vèst imbarig = visto ubriaco

(13) la mata = matta o il jolli