INCALMUNIŠ(1)

Cóm as faràl

sintìs incalmunì(2)

e cóma as faràl

nò ès incarugnì.(3)

L’è la vciàja(4)

o cvalquel êt’(5)

e s’u s’incàja(6)

u n’é pió drèt,

st’é pu bşógn

e t’at lamént,

l’armén bažógn(7)

sénža cumént.

Par fêla frânca

drova un batócc(8)

e st’vé in biânca(9)

u t’armén i ócc.(10)

Nò t’imprešiunê

s’al s völta in là

e st’an vu a che fê

şgožlal(11)pió in là.

          E.’d Bartòž

(1)   INCALMUNIŠ =deprimersi

(2)   incalmunì = depresso

(3)   incarognì = intristito

(4)   la vciàja  = la vecchiaia

(5)   cvalquel êt’= qualcos’altro

(6)   s’incàja = si inceppa

(7)   bažógn = tra il tenero e il sodo

(8)   batócc = batacchio

(9)   st’vé in biânca   = se fallisci

(10) u  t’armén i ócc = ti rimangono gli occhi

(11) şgožlal  = sgocciolalo