I  PINŠIR(1)

Da ch’l’eşèst e’mónd

it baléna(2)speš i pinšir,

t’a n pu fê e’vagabond

andènd tót e dè in žir(3)

e pròpi int i dè ’d fësta

ch’it baléna int la tësta,

avdènd pu nénc la zénta

andê a spaš(4)indiferénta.

Žarchènd(5) a bašavôşa

un reghêli par la spôşa,

l’è un pinšir nénc’cvest

che chêvşa un imprevèšt,

l’éra mej nò avé l žarchê

che in bulèta(6)am sò truvê,

però l’è stê furb che furistir

ch’u m’à mèš int i pinšir.

                     E. ad Bartòž

(1) I  PINŠIR = I pensieri

(2) it baléna =  ti balenano

(3) tót e dè in žir =tutto  il giorno in giro

(4) andê a spaš = passeggiare

(5) Žarchènd = cercando

(6) in bulèta  = senza soldi