LA PIMPINËLA (1)

L’éra un žug(2)la pimpinëla(3)

ch’il žughèva a tirumbëla(4)

pre cantôn o a e’Bôrg maréna

de cânt dla sēra e a la maténa,

mó se t gìtia a’na burdëla(5)

và a zughê a la pimpinëla,

l’éra un möd par tula in žir(6)

cažéndla(7)šóbit int i pinšir;

o par chêş l’éra un cvèl şēri

da scadnê(8)speš un vitupēri.(9)

Al paröli al n’è mai tânti

sèmpar mej mètš avânti.

La pimpinëla l’éra cnunšùda,

mó an crēd d’avéla dbùda,(10)

u la magnèva speš cvèlc vcèt(11)

cun i radècc(12) e de vén š-cèt,(13)

la veritê ridènd l’è un êtra:

e par nò mètla int l’amnëstra

j s’à inšgnê s’u j’éra bşógn

’d magnéla cruda in žôgn.(14)

                        E.’d Bartòž

  (1) LA PIMPINËLA = erba commestibile

  (2) un žug = un gioco

  (3) pimpinëla = pimpinella

  (4) a tirumbëla  = a tutto spiano

  (5)’na burdëla   = una ragazza

  (6) tula in žir  = prenderla in giro

  (7) cazéndla = mettendola

  (8) da scadnê  = da scatenare

  (9) un vitupēri = una ingiuria

(10) dbùda = bevuta

(11) cvèlc vcèt = qualche vecchietto

(12) du radècc = due radicchi

(13) e’vén š-cèt = il vino schietto

14) in žôgn = in giugno