LA RÈLA (1)

In dô’ m’atàc a mör,(2)

bëla l’è st’esprešiôn

pinšêda žērt cun amôr

dénša e pina ’d pašiôn.

Da emblēma ’d partì(3)

carg ad gióšt prinžipi,

che purtröp l’é spartì(4)

chêvşa žirt pregiudiži,

i putrèb crèšar i idēalèsta

e nò calè ’d ogni eležiôn,

mè a crēd cla sìa bèn vèsta

nénc cun st’al partižiôn.(5)

Bëla l’ištèš šta piânta,

sèmpar vērda tót l’ân

cla risêst a la curénta,

mó l’a n cura i malân,

l’è bëla nénc garşêda(6)

cun la fója grând’e bëla,

int e’ mëž žala sfumêda

imbruštènd(7)a tirumbëla.(8)

U j n’è di tip acšè žnin(9)

e grând int e’su gènar(10)

caršènd sôl un bişinin(11)

ch’l’è fadìga a crēdar.

                E. d Bartòž

   (1)  LA RÈLA = L’edera

   (2)  In dô’a m’atàc a mör = dove m’attacco muoio

   (3)  Da emblēma ’d partì  = da emblema di partito

   (4)  l’é spartì  = è diviso

   (5)  partižiôn = spartizioni

   (6)  garşêda = variegata

   (7)  imbruštènd = infestando

   (8)  a tirumbëla = a tutto spiano

   (9)  acšè žnin = così piccolo

 (10)  int e’šu gènar  =nel suo genere

 (11)  un bişinin  = un pochino