LA RUNGÀJA (1)

Cvi ch’andèva a la trata(2)

in fašèva mëj la pata(3)

bagné mêrž infèn’e’còl

butènd cal rēdi a mòl.

La stracôna(4)l’éra tânta

s’j’éra mânc’d cvarânta,

chêvşa cla rēda a strabigôn(5)

pina’d ruschēra(6)e’turdôn;(7)

cvând la cörda l’éra tirêda

la s truvèva int la sculêda(8)

e da la saca pina ’d rubaži

žarnìtia(9)e’pèš e dal puraži.(10)

La fadìga la n’à vêls la pèna

s’u j n’é pöc, nènc par žéna,(11)

sôl ’na grân’maša ’d rungàja

da ciutê e’tevul com’na tvàja.(12)

                          E. ’d Bartòž

  (1)   LA RUNGÀJA = pesce minuto

  (2)   la trata   = la sciabica

  (3)   la pata   = pareggiare

  (4)   la stracôna = la spossatezza

  (5)   a strabigôn =  trascinata

  (6)  ’d ruschēra = lavarone di mare

  (7)   e turdôn = e torbidezza

  (8)   la sculêda = la bassa marea

  (9)   žarnìtia = cernivi

(10)   pèš e dal puraži =  pesce e vongole

(11    par žéna = per cena

(12) la tvàja = la tovaglia