LA  SCARABATLA (1)

’d legn l’é st’instrumént

ch’il purtéva cun e’ rëst

anunžiênd in che mumént

la mörta ’d Geşó Crèst.

I pašéva a mëzdè in pônt,

al campâni lighédi a lót(2)

par al strêdi e vşén i pônt

nò putènd scampanê i bót,(3)

j à durê par parècc ân

a scarabatlê(4)l’instrumént

fašènd sôl un grân malân,

mó i žariòt(5) j’éra cuntént.

A e’dè d’incù(6)j à i dès-c,(7)

mó csa farài s’i tô la luş?(8)

’na völta u j’éra Franzès-c

che scampanéva da che buş,

dài..dài j à tirê tròp la cörda;

lighéda in žima a e’campanil

e a baš cvêlcadôn(10)l’arcörda

alžènd ”lóštar, i ócc a e’žil.”(11)

                           E.’d Bartòž

(1)  LA  SCARABATLA =strumento in legno

(2)   a lót = a lutto

(3)   i bót = i rintocchi

(4)   a scarabatlê = a emettere suoni

(5)   i žariòt = i cervesi

(6)   A e’dè d’incù = al giorno d’oggi

(7)   i dès-c = i dischi

(8)   la luş = la luce

(9)   fèsi = fisse/ immobili

(10) cvêlcdôn = qualcuno

(11) alžènd ”lóštar,i ócc a e’žil.”=

alzando lucidi gli occhi al cielo.