LA SURGARÖLA(1)

La n’è né ’na föla(2)

né ’na bëla fiöla

l’è sôl un gaibulòt(3)

par un tērn e’ lòt,

l’è fàta par i sórg(4)

e pri sulir de Bôrg,

a dila pròpi š-cèta(5)

l’è sôl ’na gabièta.

Ta la š-ciaf indipartòt

sperênd ad ciapêj tót,

sti surgataž maladèt

ch’it paša sóta e’ lët,

a la nòta mè a tragat(6)

tnènd švèg nénc i gat,

mó i sórg in dorma maj

magnènd tót e’ furmaj.(7)

U t’avénža dal cròsti

lichêdi e bén esposti

acšè t’a i cont cla föla

de gat e la surgaröla.

              E.’d Bartòž

(1)  LA SURGARÖLA = trappola per topi

(2)  ’na föla  = una favola

(3)   un gaibulòt  = una gabbietta

(4)  i sórg  = i topi

(5)  a dila pròpi š-cèta = a dirla schietta

(6)  a tragat  = affaccendarsi

(7)  e’furmaj = il formaggio