L’ MBRÓLA (1)

A fê e’sufrèt(2)u i vô dla žóla,(3)

e un gn’é pgnata(4)sénža mbróla,

int al nóst ca l’éra un uşânža

st’vlitìa impinìt un pò la pânža,

šta chêrna(5)e sti mócc d’òš(6)

i bulèva inšém a pió nun pòš

e armiš-cèndi cun ’na raména(7)

fašitìa e’bröd lóng ’na stmâna.

L’éra un lóš,(8)bşarèl e òš buş;(9)

sucènd l’mbróla l’avânza e’buş,

mó l’éra e’sug ’d sti bşarèl(10)

cšè bôn, da fê t cavê e’ capël,

mó tóta st’mbróla,’cšè graša

e’ fēgat förši la tè scuncaša(11)

e ’na vója la n’è mai paghêda

magnèndla pu nénc’d’istêda.

Tè da sintì cóm’ ch’us sócia

atôrna ’na têvla int’na mócia,

us sént un cunžērt ’d urganén

sucènd l’mbróla da žirt ušdén.(12)

                           E.’d Bartòž

  (1)   L’ MBRÓLA = Il midollo

  (2)   e’sufrèt = il soffritto

  (3)   dla žóla = la cipolla

  (4)   pgnata = pentola

  (5)   šta chêrna = questa carne

  (6)   mócc d’òš  = mucchio d’osso

  (7)  ’na raména  = una sciumarola

  (8)   un lóš = un lusso

  (9)   bşarèl e òš buş  = piselli e osso buco

(10)   sti bşarèl  = questi piselli

(11)   scuncaša = sconquassa

(12)   žirt ušdén = certi ossicini