L’ÖVRA(1)

Par sti cvatrén ch’in gn’éra

a fašèmia speš dal manövri,

andènd a scarghê dla gêra(2)

fašènd tót cvént dagl’övri.(3)

Speš sēri, a ’na žērt’ôra

as mitèmia(4)žèt in côda(5)

sperènd d’avê cvêlc’övra,

par nò magnê cla bröda.

A sèmia instì(6)da şbadilânt,(7)

camişa grişa e scarpôn,

un pēr ’d calžôn şvulažént 

e par ciutês un vëcc majôn,(8)

i dašéva a tót ’na badila

ch’l’à bşéva(9)un infēran.

mitèndas tót cvént in fila

cun e frèd in pin invēran.

Par che söld sudê e la fadiga

un s’arivéva a fên dla stména(10)

e st’an truvìtia gnânc’n’amiga

t’a t la fašìtia ’déntar la latréna.(11)

                            E.’d Bartòž

  (1)   L’ÖVRA = operaio a giornata

  (2)   dla gêra  = della ghiaia

  (3)   dagl’övri = lavoro a giornata

  (4)   as mitèmia = ci mettevsmo

  (5)   žèt in côda = zitti in fila

  (6)   a sèmia instì  = eravamo vestiti

  (7)   şbadilânt = lavoratori di badile

  (8)   vëcc majôn= vecchio maglione

  (9)   ch’là bşéva  = che pesava

(10)   dla stména = della settimana

(11)   dént’r la latréna = nel gabinetto