RÖŞA CANÊRIA(1)

Agl’è pròpi bëli

nénc sénza udôr

fiurènd int al sëri(2)

luntén da l’armôr.

Nunustânt e’tepör,

st’al röşi Canêri

al n vēl(3)un teşör

e pu agl’è chêri,(4)

st’a n’é dla frèš-cura

a daqvêli(5)u n s’arès,(6)

par côlpa dla bulura(7)

dòp un pò al sfiurès

Ut vén sèmpar vója

ad cumprèn un maž

par pardunê e’ böja

che fà speš e’cažàž,(8)

Al n’à pròpi l’udôr(9)

st’al bëli röşi Canêri

dê’ la côlpa a e’fardor

o lugrê(10)cóm’n avêri.(11)

                E.’d Bartòž

  (1) CANÊRIA = delle Canarie

  (2) int al sëri  =  nelle serre

  (3) al n vēl      = non valgono

  (4) è chêri      = sono costose 

  (5) a daqvêli  = ad annaffiarle

  (6) u n s’arès = non ci stai dietro

  (7) la bulura  =  il molto caldo

  (8) e’cažàž     =  lo scioccone

  (9) l’udôr       = il profumo

(10) o lugrê     = o consumato

(11) cóm’n avêri = come un avaro