SÉNŽA  TÈTUL(1)

Pörta pažénžia e t’avdirê

ch’u n’ì vô tânt a caschê,

và bén che e pò d’spiaşē(2)

mó l’é mej fôra de salghê.(3)

Adëš l’apogia int un pén

mó a la prèma buraschêda

us pò sradghê(4)e simbén ?

vèst e’bdêl(5)e la gunghêda,(6)

int un viêl j n’à šghê(7)dù

j’éra vècc, mó drèt e furt,

và bén a prutèži cóm’t pù,

mó j n’éra pròpi acšè turt.(8)

Int e’ stradôn dla stažiôn

e po’ bluchê la žirculažiôn,

sa stài da stê(9)’na prucišiôn?

o avdê se casca šó cvêicdôn,

mè al vëgh fra cvêlc dê(10)

adòš o’d sôra’d un mutôr,

se žužēd(11)pròpi sôra mè,

ognôn e sintirà e’su dulôr.

                     E.’d Bartòž

  (1)  SÉNŽA TÈTUL = senza titolo

  (2)  pò d’spiaşē  = possa dispiacere

  (3)  de salghê = dalla strada

  (4)  sradghê = sradicare

  (5)  e’bdêl = il tronco

  (6)  la gunghêda = la curvatura

  (7)  i n’à šghê = ne hanno segati due

  (8)  acšè turt = così storti

  (9) ’ša stà j da stê = cosa espettano

(10)  cvêlc dê = qualche giorno

(11)  še žužēd  = se succede