UN  FIUBADUR(1)

A t’é l maj vnù vója(2)

’d cažê un fiubadur

a cvèl ch’l’imbrója

fašèndi vnì i dulur?

Mè a crēd ’d sē, che

la vója l’at sìa vnuda

savènd speš e’parchè

e la vója t’a l’é tnuda.

Pr’un cargadur’d bòti

tulènd in mân la žèngia,(3)

a la fên t’é ’gl’òşi róti

sènža spachêt un óngia;(4)

ut capita nénc in sógn

’d dê un fiubadur a ôn,(5)

in veritê t avrès bşógn

’d mnê(6)’d šânta raşôn.

E sl’à n’é ’na bëla ròba

cvând tè t sté šó ”t gažój,”(7)

mó strac par dê dla fióba(8)

pr’e’chêld de mêş ’d lój.(9)

                   E.’d Bartòž

(1)  UN  FIUBADUR = una lezione  

 (2)  vója = voglia

 (3)  la žèngia = la cinghia

 (4)  un óngia = un unghia

 (5)  a ôn = a qualcuno

 (6) ’d mnê = di picchiare

 (7)  t gažój = cinguetti

 (8)  dê dla fióba = dare della fibia

 (9)  mêş ’d lój = mese di luglio