UN ZAVAGNIN (1)

A sintémia speš da žnin

scórar(2)sôra un žavagnin,

un idēa a l’avémia in mént,

mó sintènd parècc cumént

a capémia che un žavagnin

l’éra cunšiderê un carugnin,(3)

par ôn che speš e tràfichéva

prumetènd e pu’n mantnéva.(4)

I eşémpi però j’éra tént

mó par nô j’éra impurtént

e al nòst schêrši(5)cugnižiôn

an putèva avê cunšideražiôn,

nénc’incù(6)ch’à sëm vècc

t vìd žert gheng(7)e parècc(8)

žirènd d’atôrna e ascultê

še cvêicdôn(9)l’è in dificultê;

avşinènd s da pur inužént 

ufrènd ch’un’n tót par žènt.(10)

A l’iniži t’avrê žirt vantaž 

e dòp t’an tè chév pió de caž.(11)

                       E.’d Bartoz

  (1)  UN ZAVAGNIN = traffichino

  (2)  scórar = parlare

  (3)  un carugnin = un perfido

  (4)  pu’n mantnéva = poi non manteneva

  (5)  pöri schêrši  = povere scarse

  (6) incù = oggi

  (7)  žert gheng = certi sfaticati

  (8)  e parècc = e parecchi

  (9)  cvêicdôn = qualcuno

(10) ‘n tót par  žènt = un tanto per cento

(11)  pió de caž = più d’attorno