a E’ PIŽÔN(1)

I s’ardùşèva a E’Pižôn
par bé un pö ’d vén bôn,
l’éra pròpi ch’l’uštarìa
ch’la t mitèva l’aligrìa;

só int i têvul sénža tvàja
sôl la Lidia la i şbagàja(2)
cun al còši(3)sèmpar fôra
la t mandèva in malôra.

E padrôn com’ cantinìr
l’éra pròpi vëcc d’amstir,
mó Mecati par fëj dispët
u i e vindèva a lè d’impët,

tót che vén che fufacēva(4)
travaşèndal u tè miš-cēva
e sénža dês tóti ch’à gl’êri
pr’i žariòt(5)l’èra e’Primêri.(6)

E’ Pižôn sôranóm ’d Belèti(7)
l’avèva sôra’l göti(8)dó ruşèti(9)
ch’agl’avnèva dbénd e’vén,(10)
speš cun e’ chè da mardén.(11)                                 

Témp fà l’uštarìa E’ Pižôn
la cminžêt ’na növa gestiôn,
cvêlcadôn fašènd e’ tavarnêr(12)
u n’a lutê ’na maša(13)a şvarnêr(14)

                            E. ’d Bartòž

(1)  A E’ PIŽÔN = al piccione
(2)   l’à j şbagàja = li sgombra
(3)   al còši   = le cosce
(4)   fufacēva = pastrocchiava
(5)   pr’i žariòt  = per i cervesi
(6)   e’Primêri = il Primario
(7)   ’d Belèti = di Belletti
(8)   sôra’l göti = sulle guance
(9)   dó ruşèti = due rosette
(10) dbénd e’vén = bevendo vino
(11) e’chè da mardén = sapore sgradevole
(12) e’ tavarnêr = l’oste
(13) u n’a lutê ’na maša = non à durato molto
(14) a şvarnêr = a svernare