A GARAVLÊ(1)

bël andê a garavlêr
e cójar cal garnëli
armàsti int e’filēr
cal n’éra pròpi bëli,

l’éra förši ’na paşiôn
o un’ infâma necešitê
andènd a là vajôn(2)
côntra la tu vuluntê.

ta i şgranìtia cun amôr
punšèndi(3)cun cal mân
ch’agl’à pruvê e’sudôr
e la fadiga pre tu dmân;(4)

un dmân sénža caplôn(5)
s’un buléva int un tinaž,(6)
mó e’ sudôr da là vajôn(7)
e bşēva sôra a nô puraž.(8)

J’éra témp piótòst dur
nénc s t cìtia(9)ingiavlê(10)
e a la nòta, cun e’bur(11)
sugnìtia d’andê a garavlê.

                    E. ’d Bartòž

 (1) A GARAVLÊ =
        a raggranellare
 (2)  a là vajôn = in giro
 (3)  punsêndi = adagiandoli
 (4)  dmân = domani
 (5  ’caplôn = cappello delle vinacce
 (6)  tinaz = tino
 (7)  da là vajôn = dei dintorni
 (8)  nô puraž = noi poveracci
 (9)  s’ t cìtia = se eri
(10) ingiavlê = infuriato
(11) cun e’bur = nell’oscurità