AL MÓNGHI (1)

Žirènd cun i cažtén(2)
a gl’avnéva int e’pè(3)
chêvşa e’frèd da cân(4)
par stê sôra e’salghê,(5)

sti cažtén ’d cutunàž(6)
i s’immujéva pre sudôr(7)
e avènd sôl cvi da puraž(8)
a i scaldèmia cun amôr;

pugèndi sôra l’uröla(9)
int la boca de camén,
mó la žénta žira e fróla
a scaldēj u ni cunvén.

Tót st’al mónghi int i pi
cun un mêl cun si duréva,
t’at cavìtia i cažtén inšupì
cažènd i pi sóta la nēva,

int al ca cun sti camén
t’an scaldìtia pròpi bén
nènc andènd sóta i linžul
l’éra cóma de via e’ cul.

D’andê ca d’un êtar
us géva par sfiamêli,
và là, mó checcàpar(10)
pruvènd pu’d lascêli;

L’avnéva dal Flónghi(12)
bušènd a ca de Blôn,
la i gèt dal mónghi,
mó l’avèva žà i zlôn.

               E.’d Bartòž

(1)  AL MÓNGHI = i geloni
(2)   cun i cažtén= con i calzini
(3)   int e’pè = dita del piede
(4)   e’frèd da cân= un freddo cane
(5)   e’salghê= il pavimento
(6)  ’d cutunàž  = di cotonaccio
(7)   i s’immujéva = si bagnavano
(8)   da puraž   = da poveretti
(9)   l’uröla = il focolare
(10) checcàpar = certamente
(11) véitla e bóša fört a un óš =
        vattene e bussaforte a un uscio
(12) dal Flónghi  = dalle Felloniche