AL  PAVAJÒTI(1)

Culurêdi e bëli
žugatlôni(2)e galânti
cun grândi ēli(3)
drèti e şvulažénti

da la vita curta,
e un pò pešânta,
che l’a s scurta
mó interešânta.

U j n’è d’na raža
dèta di nómar;
i i fà pù la caža
e putê cumpônar,

sē, i nómar de lòt,
ch’i s’ašarmiéva
evitènd e’scudlòt,
almânc u s géva.(4)

Int e’mónd intir
u j n’è un sagat,(5)
st’an li vìd in žir(6)
agl’é dvénti bigat.(7)

         E.’d Bartòž

(1) AL  PAVAJÒTI = Le farfalle
(2) žugatlôni = giocattolone
(3) grândi ēli  = grandi ali
(4) almânc us géva = almeno si diceva
(5) un sagat = gran quantità
(6) in žir   = in giro
(7) dvénti bigat = diventate bruchi