AL  PÓRBJI(1)

Tót i ân ’d sti dè
i t’férma e’ tràfic
pr’na ciōpa’d dè;(2)
l’è nénc antipàtic

pinšènd che t pègh(3)
šénza druvê e’mëž
e pórbji ch’an vègh(4)
infèna al sët e mëž.

I t’à mèš l’impuşižiôn
e sè t şgar(5)par l’urêri
it fà šóbit ušervažiôn
mustrèndat un lunêri;(6)

cun al têrghi altirnêdi
u i sarà dl’êria bôna,
mó adës agl’j’è cažêdi(7)
vivacênd(8)a la carlôna.(9) 

                 E.’d Bartòž

(1) AL  PÓRBJI = Le polveri
(2) ciōpa’d dè = paio di giorni
(3) che t pègh  = che paghi
(4) ch’an vègh = che non vedo
(5) se t şgar  = se sbagli di poco
(6) un lunêri = un calendario
(7) agl j è cazêdi  = sono cazzate
(8) vivacênd = vivacchiando
(9) a la carlôna = alla buona