Dòp a förti burašchèdi
truvìtia speš in spiàgia
frèschi zèpi dulfinèdi
pre piaşê dla mi gàgia,

che cuntintènd i burdèl(2)
la li fašéva cun i bşarèl.(3)
L’éra un piat da šgnur(4)
e t’al gudìtia pri su udur.

L’éra bôn nénc e’dè dòp
pre vigôr che mandéva,
sôl ch’un éra mëj tròp
par la fâma ch’us avéva,

mó par sfamê la su zénta
l’a t fašéva nénc la pulénta
e tucèndi(5)dó feti ’d déntar
a s’impacèmia(6) com’sèmpar.

(1) AL ZÈPI  = Le seppie
(2) i burdèl  = i ragazzi
(3) i bşarèl = i piselli
(4) da šgnur  = da signori
(5) tucèndi = intingendoci
(6) a s’impacèmia = mangiavamo di gusto