A  ŽACÂGN (1)

a lanžémia cal piastrëli
ch’a truvémia tra la gêra(2)
e u j n’éra acšè dal bëli
ch’à li tulémia šó da tëra,

a druvémia di bajòc(3)
ch’j n’avéva pió valôr,
e a sémia ža acšé scióc
da žughèj(4)sénža pudôr.

A tirémia ’d chi scudin
fašènd magara i birichén,
avsinènd s a e’madunzin(5)
e vénžar tót i bajuchén.

L’éra žug che š-ciantēva(6)
avânti e indrì int la calēra,(7)
mó e’ žacâgn u t’atirēva (8)
žughèndal maténa e sēra.

                 E. ’d  Bartòž

(1) A  ŽACÂGN = a mattoncello
(2) tra la gêra = in mezzo alla ghiaia
(3) di bajòc  = delle monete
(4) da žughèj = da giocarli
(5) e’madunzin = al mattoncello
(6) š-ciantēva  = sfiancava
(7) int la calēra = nella carraia
(8) u t’atirēva = ti attraeva