CHI  ZÓT (1)

L’an s putéva pròpi arfê(2)
cóm’un témp e cun i zót
e s’u j’éra un mônt da fê
nénc truvèndi a magalót.(3)

L’éra bëla cun cal pônti
e sénža fê manutenžiôn,
l’è višùda cun cal pörti
cvēşi infèna l’ucupažiôn;

a la žöbia(4)cun e’marchê
t’an spachìtia che salghê,(5)
tè t piantìtia žó ’l ciudëli(6)
e šóbit šó cal bancarëli.

Cun la piuva o timpurêl,
l’acva, l’andéva int e’canêl,
grêžia al ciêvghi(7)di cantôn
la sculéva pròpi da ’d bôn.(8)

                        E.’d Bartòž

(1) CHI  ZÓT = quei ciottoli
(2) arfê  = rifare
(3) a magalót = a sassi grossi
(4) a la žöbia = al giovedì
(5) e’salghê = la pavimentazione
(6) ciudëli  = lunghi chiodi
(7) al ciàvghi  = alle chiaviche
(8) pròpi da ’d bôn = sul serio