DÒP LA BURASCA

Dòp ’na förta buraschêda
t vìd in spiàgia cvêlcadôn
che žirènd int la sculêda(1)
e vén avânti ’d strabigôn,(2)

cun un sècc e d’un sfruciôn(3)
žarchènd canël(4)int e’sabiôn,
mó la sfiga(5)l’è acšé grânda
ch’l’éra mej armanê in brânda.(6)

Mó ràbiènd (7)cun e’şmēnacul(8)
is dà la bàja(9)ciapènd s pr’e’ cul,
strinzènd s e’curzén(10)di calzôn,
rugènd(11) it manda a caparôn.(12)

J’éra témp ch’avèmia dla râna(13)
e la fâma la gvarnéva suvrâna,(14)
žnènd a la sēra sèmpar al sët
cun di piat pin ad pèşa-a-lët.(15)

                             E.’d Bartòž

DÒP LA BURASCA = dopo la burrasca

(1)   int la sculêda  = nella secca
(2)  ’d strabigôn = trascinandosi
(3)   d’un sfruciôn = ferro appuntito
(4)   canël = mollusco dei solenoidi
(5)   la sfiga = la sfortuna
(6)   in brânda = a letto
(7)   ràbiènd =  erpicando
(8)   e smenacul = attrezzo per molluschi
(9)   dà la bàja = canzonare
(10) e’curzén = la cinghia dei pantaloni
(11) rugènd = urlando
(12) is manda a caparôn= si  canzonano
(13) ch’avèmia dla rana  = la miseria squallida
(14) fâma la gvarnéva suvrâna =
        la fame regnava sovrana
(15) ad pèşa-a-lët = del  tarassaco