E’ BŞÈJ (1)

A v’arcurdì che da žnin(2)
da e’ scadôr(3)as gratèmia,
dvinténd róš che culažin
cóma cvèl d’na scèmia.(4)

S’u t’avnéva’na šfugažiôn
t’at maşìtia(5)cóma rugnôş
e maržènd un bël bugnôn
t’at sintìtia un vargugnôş;

u i vléva êt che un žambutén(6)
par şgurghê(7)cal pşighi(8)žali,
š-ciafènd pumêda a lè d’avşén( 9)
cun un fiê(10)pèž che int al stali.(11)

T’a l’é ciapa(12)pör cvajôn(13)
e u n’è bastânt la fója graša
ch’ut fà şmaržì(14)e’bugnôn,
mó ló u s’ingalêš e un şgaša,(15)

crijènd(16)’n déntar un bşèj(1)
ch’ut fà un mêl dla malôra,
mó sl’è ža fàt e pöc şmarèj(17)
i tô ’gl’intnaj(18)par tul fôra.

                       E. ’d Bartòž 

  (1)     E’ BŞÈJ = il pungiglione
  (2)    da znin = da piccoli
  (3)    scadôr = prurito
  (4)    d’na scèmia = di una scimmia
  (5)    masìtia = nascondevi
  (6)    un zambutén = un empirico
  (7)    şgurghê  = togliere il pus
  (8)    pşighi = vesciche
  (9)    a lè d’avşén = lì vicino
(10)   un fiê = un fetore
(11)   al stali = le stalle
(12)   ciapa = presa
(13)   pör cvajôn = povero stupido
(14)   şmarzì = ripulito dal pus
(15)   un şgasa = non sgonfia
(16)  crijènd = creando 
(17)   şmarèj = sciocchezze
(18)   intnaj = tenaglie