E’ BUBANÔN(1)

Ogni tânt u j’è un şburôn(2)
ch’l’invida a žéna i amig,
vlènd fê pròpi e’ bubanôn
e cuşèna par šët caštig.(3)

L’è un möd cóm’un êtar
par butê t la bröda adòš(4)
e lô us véd, un po’fê êtar
che cažêt(5)la žéna adòš.(6)

E pò’dês(7)ch’l’épa eşagerê(8)
par fêt tót föra ’d mişura,(9)
mó vivènd,cóm’e vìv un frê(10)
l’è scapê(11)da la clavşura.(12)

                      E.’d Bartòž

  (1) E’ BUBANÔN = L’esagerato
  (2) un şburôn  = un borioso
  (3) par šët castig = in grande quantità
  (4) la bröda adòš  = rinfacciarti
  (5) ad cažêt = di buttarti
  (6) la žéna adòš = la cena addosso
  (7) E pò’dês = può darsi
  (8) ch’l’épa eşagerê  = avesse esagerato
  (9) föra ’d mişura   = smisuratamente
(10) un frê  = un frate
(11) l’è scapê = é venuto fuori
(12) clavşura = dalla clausura