E’  BUCALÉN(1)

L’éra còmud ’d nòta
š-ciafê int e’cumudén,
mó şvigèndat ’d bòta
u t salvéva e’bucalén.

I purèt ch’i andéva fôra
par pišê int e’pišadur(2)
speš i s maşéva a l’ôra(3)
gènd madóni(4)e signur.

A e’cëš(5)int l’urinêri
e pišéva sôl i šgnur,(6)
dašènd s pu dagl’êrji(7)
pre lavor di muradur,

mó ’d nòta se giažéva
cun e’frēd e sénža fug,
j’éra puc cvi ch’pišéva
žarchènd ’d fê chi žug.

d’istê dbènd d’e’chêld
un pò ’d pió de sòlit vén,
t pišìtia şbruvaldènd,(8)
scvižènd(9)fôra de bucalén.

A e’dè d’incù(10)cun i bâgn
l’è un piaşē ad fêla in ca,(11)
mó žertôn par fê un sparâgn(12)
cvând la i scapa, is tô da ca.(13)

                         E.’d Bartòž

(1)  E’ BUCALÉN = vaso da notte
(2)   pišadur = orinatoio
(3)   a l’ôra  = all’ombra
(4)   gènd madóni = smadonando
(5)   A e’cëš = nel gabinetto
(6)   sôl i šgnur  = solo i signori
(7)   dagl’êrji = delle arie
(8)   şbruvaldènd = sbrodolando
(9)   scvižènd = schizzando
(10) a e dè d’incù = al giorno d’oggi
(11) ad fêla in ca  = di farla in casa
(12) par fê un sparâgn  = per risparmiare
(13) is tô da ca = escono di casa