E’BULIRÔN(1)

Un bël dè e int la nòta
a m şvigêt da ’na bòta,
l’éra cašca la Mariöcia
la cuşéna ’d M.Piröcia.

U j’éra ciapê un bulirôn
ch’us sintèva a l’è žirôn,(2)
mó apugêda a la ringhira
u i caschét nénc la dintira;

’na vêcia dintira mèša mêl(3)
chi la žarchêt cun un rastël,(4)
truvèndla tramëž a l’ērba
inciušida(5)e pina ’d mērda.

Dòp un pò avdènd dl’n faža
l’éra dvénta nénc pavunaža
e sénža şmètar mëj ’d tušì(6)
l’a şmujêt(7)e canavaž scuşì.(8)

A ciapésum ’na scagaža(9)
avdēla stēşa int la tëraža,
vlènd ciapê un pò ’d rispir
l’à n vléva avdê nišôn in žir.(10)

U j n’è vlù a pašê e’ dulôr
e nénc pr’arciapê(11)e’ culôr,
mó a la nòta cun ste bulirôn
l’à n fašéva pió durmì nišôn.

                         E.’d Bartòž

(1)  E’BULIRÔN  = rigurgito
(2)  a l’è žirôn = lì in giro
(3)  mèša mêl = malandata
(4)  un rastël = un rastrello
(5) inciušida = insudiciata
(6) ’d tušì = di tossire
(7)  l’a şmujêt = ammollò
(8)  canavaž scuşì = asciugamano scucito
(9) ’na scagaža  = una paura
(10) nišôn in žir = nessuno in giro
(11) pr’arciapê = per riprendere