E’ DÒPLAVÔR (1)

Žira e fròla e sudôr
a balê int e’ Dòplavôr
e nonostènt ès babin
a fašèmia cvêlc baltin,

frulènd dri al sutâni(2)
’d cvèli ža grândâni,
purtèndli a e’bitulén(3)
tra tango e vàlzarén.

I vigliôn ’d carnavël
i fnéva int e’ pió bël
e balènd cun’na spôşa
t’a i ufrìtia ’na gažôşa.

u j n’éra int i vigliôn
ch’al vléva e’gagliôn,(4)
che balès a tirumbëla(5)
só e žó par tót la sêla.

Al n’éra mëj strachi(6)
sudènd cóm’dal vachi(7)
e şbtunènd’š(8)la camişa
al mustréva la ži lujèša.(9)

                   E. ad Bartòž

(1)   E’ DÒPLAVÔR =
        antico ritrovo e sala da ballo
(2)   dri al sutâni = dietro alle sottane
(3)   e’bitulén = al bar
(4)   e’ gagliôn = il castigamatti
(5)   a tirumbëla  = a tutto spiano
(6)   mëj strachi  = mai stanche
(7)   cóm’dal vachi = come bestie
(8)   şbtunènd’š = sbottonandosi
(9)   la ži lujèša = la zia loglierella