E’ MI  GNAF(1)

A sìt e’ mi gnaf ?
t pu èsar schègn(2)
t’an saré mëj şgaf(3)
nénc st’cì malègn;

scapènd d’int e’góš(4)
acšè mudê e lichê.(5)
t’a n pu saltê e’fòš
parchè t pu caschê.(6)

La vita l’é un cvêl sēri
e l’invigia la dà dân,(7)
nò dê mént(8)a i vitupēri,(9)
chi chêvşa sôl di malân;

st’an t’sì pròpi inidijì(10)
şcavida(11)’d fê sciuchèži
e st’cì ancôra immumjì(12)
t’avré sèmpar dal şgrēži.(13)

                     E.’d Bartòž

  (1) E’ MI  GNAF = soprannome
        di persona col naso schiacciato
  (2) èsar schègn = essere smilzo
  (3) mëj şgaf = mai dispari
  (4)  d’int e’góš  = dal guscio
  (5) mudê e lichê =
       vestito dalla festa e lisciato
  (6) pu caschê = puoi  cadere
  (7) la dà dân  = fa male
  (8) nò dê mént = non dar retta
  (9) a i vitupēri = alle ingiurie
(10) inidijì = convinto
(11) şcavida = evita
(12) dal şgrēži = delle disgrazie
(13) immumjì = mummificato