E’ NUŠÉN (1)

40 cócli l’è e’su pió bël
acšè tânti par ogni lìtar,
tajêdi a fèti cun e’curtël
e e’ piaşê s’il bēv ch’itar.

A Ša’Žvân i 24’d žógn(2)
vērd ancôra l’é e’garój,(3)
bşógna cójli st’é bşógn
par maşrêrli sénža fój,(4)

40 dè l’è un bôn lèmit
par lašêli int ’na supira,(5)
a mòl d’un lìtar’d spìrit(6)
sóta e’sôl int la ringhira;(7)

e t’an gn’i mèt ’l spēži?
cóma nò: tri êto’d žócar,
limôn e şgavdì al şgrēži(8)
e cvêlc bròc ’d garòfan.(9)

Dòp avéli bén maşrêdi
t’a li fìltar cun e’ culén,(10) 
a gl’j’é şērbi ’cšè culêdi(11)
e da bē sôl l’ân che vén,(12)

 st’a t’avèž (13)a bē e’nušén
t digerès int un mumént
e avèndan dbù un bicirén
a n v’sintì pió’cšè peşént.

                      E.’d Bartòž

  (1)  E’ NUŠÉN = Il nocino
  (2)  a Ša’Žvân i 24’d žógn  =
         a San Giovanni – il 24 giugno
  (3)  e’garój = il gheriglio
  (4)  par maşrêrli = per macerarle
  (5) ’na supira = una zuppiera
  (6)  lìtar’d spìrit = litro d’alcool
  (7)  int la ringhira = nel balcone
  (8)  şgavdi al şgrēži  = evitare le disgrazie
  (9)  bròc ’d garòfan = chiodo di garofano
(10)  e’ culén = il colino
(11) şērbi’cšè culêdi = acerbe cosi colate
(12) sôl l’ân che vén = solo l’anno dopo
(13) st’a t’avèž  = se ti abitui