E’ PALUGHIN(1)

Cvând da žôvan magnìtia
sfitlènd ’n êto ’d paršutìn
cun e’chêld t’à t culghìtia(2)
andènd a fê un palughìn.  

nénc i piat, mej si n’i fóš,
brinènd ’d buldèž(3)la carafa, 
t’à i lašitia spurc e  cióš(4)
ramašê ’n déntar ’na scafa,(5)

mó sintèndat un pò pin
t’à t butìtia int’na brànda,
sia, par š-ciažê un pišulin
che, par frighê la Vànda.

L’andèva a röda lavêda(6)
déntra e föra dla farlèta,
e şmagnènd da stulghêda(7)
l’à i n fašèt ’na dupièta,

š-ciantê mört am sò žirê 
fašènd pròpi un palughin,
mó a scumèt e t’avdirê
che dòp la vô e’cuntintin;

l’éra ch’l’àtom(8)de caž  
fašènd acšè sôl d’istêda
e fê t dì ”ach fàt burdlaž,”(9)
prèma e dòp sta frighêda.

Cun i ócc sôra cla gnafa(10)
t’a t sintìtia bén arpunšê,
mó i piat lašê int la scafa
acšè spurc it fašéva pinšê.

                     E.’d Bartòž

(1)   E’ PALUGHIN = sonnellino
(2)   t culghìtia  = ti stendevi a letto
(3)   brinènd ’d buldèž  =
        umidendo d’aria afosa
(4)   spurc e  cióš  = sporchi e sozzi
(5)  ’na scafa = un acquaio
(6)   da stulghêda  = da sdraiata
(7)   a röda lavêda  = speditamente
(8)   ch’l’àtom  = quell’attimo
(9)   e fêt dì ”ach fàt burdlaž” =
        e farti dire “ che ragazzaccio”
(10) ócc sôra cla gnafa = occhi sulla ……