E’ PĒL  DI  PÉN(1)

Cun la nóna e la cariöla
t’a i andìtia dóp la scöla
a rastlê(2)chi du o tri pil
a la fén de mēş d’abril,

nô al fašèmia cóm’n žug
mó us bşugnéva par e’fug,
par magnê dal bôn pjìdi(3)
còti int la tègia(4)e savurìdi.

An n’avèmia a chi témp
e t magnìtia cóm’i lémp,
dal völti tulìtia la gardëla(5)
par rustì ’na pöra curadëla,(6)

mastighènd cóm ch’l’éra          
cun cvadrèt(7)de cânt dla sēra,
che la pjida e e’su parfóm
la t şmurtéva(8)paršèna e’lóm.(9)

                           E.’d  Bartòž

 (1) E’ PĒL  DI  PÉN =  aghi dei pini 
(2) a rastlê = a rastrellare
(3) bôn pjìdi  = buone
(4) int la tègia = sulla teglia
(5) tulìtia la gardëla  =
      prendevi la graticola
(6) curadëla = curatella
(7) cvadrèt = quadretti di piadina
(8) la t şmurtéva = ti spegneva
(9) paršèna e’lóm = perfino il lume