E’ RITRATÊR (1)

Pròpi int e’ pió bël
a j ò tirê fôra i pnèl(2)
e nénc sénža cuntrat
a pruvèt a fêj e’ritrat;(3)

al vléva immurtalè,
mó cóm ch’à sò fê(4)
e putènd ’l fê da lè
us putéva nénc strafê.(5)

mó mitènd’gl’j à tóta
da la sēra a l’alvêda,(6)
a j ò piturê tóta nòta
žarchènd l’inžichêda.(7)

L’amig a’na žērt’ôra
vdènd la luş impiêda(8)
us farmêt’na bôn ôra
pr’ avdê la mi bujêda,(9)

şbarlucènd,(10)l’avdéva
chi culur šò int la tēla
e capì cvèl ch’a fašèva,
štrusciênd(11)dla candēla.

                   E.’d Bartòž

(1)   E’ RITRATÊR = fare un ritratto
(2)   i pnèl  = i pennelli
(3)   a fêj e’ritrat = a fargli il ritratto
(4)   cóm ch’à sò fê  = come sono capace
(5 )  nénc strafê = anche strafare
(6)   l’alvêda = all’alba
(7)   l’inžichêda = di azzeccarci
(8)   luş impiêda  = luce accesa
(9)   mi bujêda = mia boiata
(10) Şbarlucènd = sbirciando
(11) štrusciênd = consumando