E’ SPÊRŽ (1)

E spónta int e’ mēş ’d mêrž
Šambadg in pgnēda, e’spêrž,
avdē ’l pônti dê föra a pr’êria
l’è un spetacùl ch’u t inēbria,

cun pažénžia e cun amôr
ta t’avşén cun žērt tarmôr(2)
par šta grêžia dla natura
sóta fôrma ’d verdura.

I s magna in tót al maniri
cuşiné bén e int al supiri(3)
fašènd e’ sug pri macarôn
che cun i spêrž j’è pió bôn.

J à un vigôr e piô udôr
cun la žóla,ciapènd amôr,(4)
cuşinèndi e mètr’alèš(5)
magnèndi inšém a e’pèš.(6)

’Na bujêda(7)st’a n’i cnóš(8)
strapènd st’ērba da i fóš,
mó in pgnēda j’è prutët
e strapèj förši l’è un delèt.(9)

                      E.’d Bartòž

(1) E’SPÊRŽ = l’asparago
(2) tarmôr = tremore
(3) int al supiri  = nelle zuppiere
(4) amôr = sapore
(5) mètr’ alèš = cuocere a lesso
(6) e’pèš = il pesce
(7) ’Na bujêda  = è un peccato
(8) st’a n’i cnóš =se non li conosci
(9) un delèt = un delitto