CULAGNÔN (1)
As dasèmia tót cvént un êria
andénd spes a balê a Belêria
in febrêr a la fësta dal mimöşi
a balê strèt cun dal bël spöşi
mó s’t’vlìtia andê a e’vigliôn
tulìtia cla baléla(2)’d Culagnon
e bastéva prumètar zènt scud (3)
che lò l’avnéva nud e crud.
Perô s’avlèmia turnê indrì
spes e tiréva e’ cul indrì,
un capòt ! nisôn u l’avéva
e e’gvêrdaròba un s paghéva,
t’a i andìtia spes in spadéna(4)
cun adòs un straz ’d gabâna(5)
cun e frèd e par fêla curta
t’aspìtitia ch’i cavês la porta.(6)
A n l’avèmia gnânc in cvàtar(7)
un frânc da şbàtar in cl’êtar,(8)
ló u t’prumitéva d’avnì t a tu
a la fén, gnânc s’u l’avès vlù,
par chi du suld t’a i avìtia dê
e preferiva tóta nòta surnaciê.(9)
a la fén, s’u n’arivéva Culagnôn
us dicidéva d’andê in staziôn;
a pè, cun’na mónga(10)e mân giazêdi
truvênd spes tót al porti şrêdi,(11)
bujêda(12)ch’u ni fòs stê ’na babina
fintânt ch’l’a n paséva la Litôrina.(13)
E. ’d Bartòz