CVI ’D SÀNTA

A Zirvia urmâj cvi ‘d sànta (1)

i è parècc e pió ‘d novanta (2)

i s’elza tót (3) a la maténa prëst

i n’nà abastânza o i vô e rëst. (4)

Mó stasì a lèt cun al vòst mój (5)

ch’a gl’avrèb ancôr dal vój (6)

e sa si bôn, (7) . . . . . piótòst (8)

che gnit e sarèb mej piótòst. (9)

E se e témp e và che vôla

magnì e cantì a scvèrzagôla (10)

la vita l’à putrēb es’ancôra bëla

e in tànt ch’a j sì (11) l’è mej gudēla. (12)

E. ad Bartoz

1) urmâj cvi ‘d sànta = ormai i sessantenni

2) parècc e pió ‘d novanta = parecchi e piu di 90

3) i s’elza tót = si alzano tutti

4) i vô e rëst = voglioni il resto

5) cun al vòst mój = con le vostre mogli

6) ancôr dal vój = ancora delle voglie

7) e sa si bôn = e se siete capaci

8) piótòst = piuttosto

9)che gnit e sarèb mej piótòst =

che niente e meglio più tosto

10) a scvèrzagôla = a squarciagola

11) e in tànt ch’a j sì = intanto che ci siete

12) l’è mej gudēla = è meglio goderla