DA  E  PIZÔN

         (Guerino)

It mandéva da e’ pizôn

s’u t bşugnéva ‘na tuşêda (1)

ló l’éra pió che bôn

‘d fët nénc ‘na şgavarêda.(2)

Cvêşi tót i andéva a l’è

int la piaza de marchê

i s’ardùşeva spes da ló

o se nò spindìtia ‘d pió,

sémpar alēgar e spìritôş

nénc s l’avéva e narvôş

e daséva la bàja(3) a tót

fén tânt ch’un t’avéva rót.

fnênd pu la sfumadura

u t faséva ‘na turtura

şfarfajēva(4) che burotêlc (5)

cóma la nēva sôra e pêlc, (6)

méntar e cavéva e sugamân

u t s-ciaftéva (7)cun la mân

e pulènd’t cla spargujëla

u t’avnéva la zarvichëla

                          E. ad Bartoz

1) tuşêda       =  taglio capelli

2) şgavarêda. =  pulitura argille

3) daséva la bàja= scanzonava

4) şfarfajēva  =  spruzzare a ventaglio

5) burotêlc     =  il talco

6) pêlc           =  palco

7) s-ciaftéva  =  schiaffettava

8) spargujëla =  sparso-lasciato cadere

9) zarvichëla =  cervicale