L’éra e’ zéntar di nigözi
bëla ròba, mó cun di prèzi,
i zariòt lia l’à i cnunséva
e sènza suld l’a n t’la déva
s’t’an cumpritìa u i spiaşēva
e’d nò andêj, l’à l’imparéva,
s t’a i andìtia a fén istêda
l’éra zērta,(1)”par cla cavêda”(2)
e’t putìtia cumpré tót gnacvël(3)
paghènd cun e’còtum a Nadêl.(4)
L’éra nêda par fê s t’amstir
e t’a n putìtia mëj tùla in zir,(5)
L’à t vindéva cvèl ch’la vléva
nénc se l’artëcul l’à n l’avéva
cun ’na vidréna(6)sèmpar şgacêda(7)
par cla zénta ch’l’à n’éra sprêda.(8)
E.’d Bartòz
1) l’éra zērta = era sicura
2)par cla cavêda = per la raccolta del sale
3) tót gnacvël = ogni cosa
4) e’còtum a Nadêl = premio produzione sale a Natale
5) mëj tùla in zir = mai prenderla in giro
6)’na vidréna = una vetrina
7)şgacêda = agghindata
8)ch’l’à n’éra sprêda = che non era in bolletta