E  BARBÔN

   (negozio di granaglie )

Ch’i’n s’arcorda de barbôn

cun bêrba, ucēl e grambialôn

che tót i dè là vērs mëzdè (1)

l’incantéva tót a guardê

l’éra zērt un bontempôn

nutrènd sémpar chi pizôn (2)

chi vuléva a mëzdè in pônt (3)

da chi buş da là ad frônt

e cóma nùvli (4) a zil serén

is butéva tra e riş e e’grân

şmasènd tót che purbiôn (5)

a l’è d’intônd a e barbôn.

Ló spazènd bèn la butēga

u in rimigéva un strabig (6)

e par ló u n’éra ‘na bēga

e acsè e puléva e piancid,(7)

u n s’asarmiéva a purchisìa (8)

e spargujéndal(9) cun pasiôn

piótòst che butêl via

e sfaméva tót chi pizón.

                     E.’d Bartòz

1) vērs mëzdè = verso mezzogiorno

2) chi pizôn = quei piccioni

3) a mëzdè in pônt = a mezzogiorno in punto

4) cóma nùvli = come nuvole

5) che purbiôn = quel polverone

6) strabig = quantità enorme

7) piancid = pavimento

8) purchisìa = uno qualunque

9) spargujéndal = spargendolo