E CANTINÕN

Ona volta pré Cantõn

andéva a tu de marascõn (1)

da Mecati a e cantinõn

parchè u l’avéva bõn

Lò l’avéva de Sanzvés (2)

ch’ul bvéva töt e paéš

no a scurèma dla canena (3)

ch’l’éra una zoia dvena

A j purtèt un dè i buciõn (4)

par cumpré sté ven bõn

paró um gèt(5) ch’l’éra finì

e ch’un savéva còma impinìi(6)

A m’avièt scuntent

par st’incunvenient

cvãnd ca fòt près e purtõn

um rugèt drì(7)cun chè vusõn

A lò pröpi finí e mi burdël!(8)

e adès an te pôs pröpi fël! (9)

mò s’tven a dmen(10) a te fàz(11)

e me um lasèt da badilàz (12)

                                                                                              E. ad Bartoz

                                                                1) de marascõn = tipo di vino

                                                                2) Sanzvés = sangiovese

                                                                3) dla canena = della cagnina (vino rosso dolce)

                                                                4) i buciõn = i bottiglioni

                                                                5) um gèt = mi disse

                                                                6) impinìi = riempirli

                                                                7) um rugèt drì   = mi urlò dietro

                                                                8) mi burdël = ragazzo mio

                                                                9) pôs pröpi fël = non posso proprio farlo

                                                              10) s’tven a dmen = se vieni domani

                                                              11) a te fàz = te lo faccio

                                                              12) lasèt da badilàz = mi lasciò incretinito