Avend di cvël da butê via
t’fasìtia ogni tânt pulizìa,
cla ròba vëcia d’andê in mêr
t’a la dasìtia sôl a e’ strazēr,
ló e tuléva só tót e’ manòcc(2)
mó u t vléva dê puc bajòc,(3)
l’éra sèmpar un brót cuncôrs (4)
fnènd cun insulfanê e’scôrs.(5)
E zarchéva al pëli ’d cunèj (6)
fasèndat nénc pöch’ şmarèj (7)
u li vléva cvēşi tóti rigalêdi
parchè a sintì ló, mêl cunzêdi.(8)
Lighènd e’sac ch’l’éra in vèta
e butéva tót sôra la biciclèta,
aviènd s e rugéva sèmpar,”óóh”
straz dóni oh!.. straz dóni oh!..
E. ’d Bartòz
1) E’ STRAZĒR = il cenciaiuolo
2) e’ manòcc = il malloppo di stracci
3) puc bajòc = pochi soldi
4) un brót cuncôrs = brutte licitazioni
5) insulfanê e’scôrs = abbindolare il discorso
6) pëli ’d cunèj = pelli di coniglio
7) pöch’ şmarèj = poche sciocchezze
8) mêl cunzêdi = conciate male