GNÒCHI

E và sémpar a dmandê cvël (1)

mó u n s’vèd mëj gnit in vèl,(2)

in vèd agl’ôri(3) che vaga via

mô lò u s’n’in và in pirìferia.

’na nòta a séra a là da spès (4)

pròpi a lè d’impët al scöli (5)

e a j ò vèst, ch’l’à fàt sucès

fasènd cantê dal bëli fiöli.

Par me e putréb avé pió tësta,

mó però, s’u s mèt a fê i capèl (6)

i babin i nàs(7) tót sènza tësta

mó s’avrà’l int la tësta,di cavèl?

Zarchènd ancôra d’andê in zir

la fàt uramaj(8)cvëşi tót i amstir,

a j avrèb chêra(9) che sfundès

e acsè e’fnirèb(10) ’d lamintês.

Par me e sarà ’na gara dura,

mó lò u n à mëj avù paura,

a i avgur che fasènd l’impreşêri

e pòsa a la fén şbarchê e’lunêri.

                                  E. ’d Bartòz

 1) dmandê cvël = chiedere qualcosa

 2) mëj gnit in vèl = mai niente in nessun posto

 3) vèd agl’ôri   = non vedono l’ora

 4) a là da spès  = la dietro

 5) d’impët al scöli =di fronte alle scuole

 6) fê i capèl = fare i cappelli

 7) i babin i nàs = i bambini nascono

 8) la fàt uramaj = ha fatto ormai

 9) a j avrèb chêra = avrei piacere

10) acsè e’fnirèb = così finirebbe