I  CANËL (1)

T’a j avdìtia a l’alvêda (2)

i nóstar vècc pensiunê

in stivēl a là sculêda (3)

’d canël  tânt pasiunê.

Avdēj a cójar(4)chi canël

l’éra zērt un carnevël

il faséva cóma un zug (5)

şguazênd int e paciug.(6)

I canël da bôn birichén

ut scapa d’int al mân

e da là in che buşanin

us vēd apena un bişinin.(7)

s t’à t’azêrd ’d tuchêl

şmengat(8)sóbit ’d ciapêl (9)

u s’instèca zó(10)par drèt

e par tul brênca e’sapèt,(11)

l’è dur parècc da digerì

mó da zērtôn l’é preferì

e s’tal se cuşinê bén

t’avdiré ch’ut cunvén

e sta n’t fê óna raşôn

cultivênds sta pasiôn

t’à n’avdirê pió nisôn(12)

acsè prëst a là vajôn.(13)

              E. ’d Bartòz

 1) I  CANËL = i cannelli, mollusco dei solenidi

 2) avdìtia a l’alvêda = vedevi all’alba

 3) a là sculêda = alla bassa marea

 4) Avdēj a cójar = vederli a raccogliere

 5) cóma un zug = come un gioco

 6) int e paciug = nella fanghiglia

 7) un bişinin = un pochino

 8) şmengat = dimentica

 9) ’d ciapêl = di prenderlo

10) u s’instèca zó = si conficca giù

11) brênca e’sapèt = prendi la zappetta

12) pió nisôn = più nessuno

13) acsè prëst a là vajôn = così presto in giro